شعب بنق ليوم النق

بالفرح بالزعل..منق



وقت منكره ولما منحب منق ...



لما منكون فاضين أو حتى مشغولين منق...



صباح ومسا وكل شي عنا بيتنسى إلا النق



بالجد وبالمزح منق



أي ياسيدي وانا كمان بنق



وعلى ذكر النق...خدلك كمشة هالنق ونق.







جذور النق :



الشباب السوري (بنات وشباب)منين بجيبوا هالنق ؟!!



باختصاروبوضوح وبصراحة وبشفافية وعلى بلاطة وبيني وبينك وباعتقادي وأنا بتوقعوبتصور وبتخيل ومتأكدة وبحس أنو (شو كان السؤال؟)اي اي بجيب النق من بيت أبوه حبيبي..لاعن جد ماعم بمزح..



فنحن شباب اعتاد الترباية النقاقة ...



قوم فيق صا رت الساعة ستة



تعال اتغدى



جاي جاي



يلا قوم اتغدى



جاي بس دقيقتين



يلا تعال اتغدى...قوم اتغدى هلأ بيبرد الأكل..قوم اتغدى يلا



تعال اتغدى..... شو مابدك تتغدى



تعال تغدى برد الأكل ..تعال تغدى .......



وفي السهرة:



تعال تعشا ماتغديت منيح لأنك.....تعال تعشى ..مابدك تتعشى ...يلا قوم على العشا.







حكاية نقاق



في سنة البكالوريا: إيمتى بدي خلص وفوت جامعة بقا (وبضل بنق وبنق وبينسى يدرس..)



في سنة أولى جامعة: أووف شوعم حن لأيام المدرسة...إيمتى بدي اتخرج يالله هف مو مصدق إيمتى أتخرج ..يي لسه كم سنةهفف.



بعدالتخرج: يييي شو مشتاق لرفقاتي بالجامعة وكيف كنا....هفف ياريتنا ماتخرجنا..ضاق خلقي من النوم للضهر والطلعات والفرجة عالتلفزيون بدي اشتغل واستقربقا.



بعدمااشتغل:تضرب هالحياة من البيت للشغل وبعدين بتشوف رفقاتك بتحكي كم تلفونوحط راسك ونام لتفيق عالشغل..هف حياة بتقصر العمر ..شوهالعيشة هففف اللهيرحم ايام كنا ندور على شغل كانت أحلى بكتير من هلا هففف.



خطب بنت بحبها: هففف إيمتى بدنا نتجوز ونكون مع بعض لوحدنا ..ياريت ترجع أيام علاقتنا وقت ماكانوا أهلك يتحكموا فينا...هفففف.



اتجوز: هف من الروتين وهالحياة شو رأيك نجيب ولد.



صار أبو العيال: لك شو هالبلوة بدي ضل زق غراض متل الحمار ...هفف على هالعيشة الله يرحم أيام كنا راسين بس..وقت كنا موفاضين غير للحب .



..(كنتم مع مسلسل هفف من بطولة نقاق سوري..وسنضطر للمقاطعة نظراً لسماعنا طقات قلوب القراء الأعزاء من هالنق..وشكرا).







جاي على بالي نق



بات النق في حياتنا حالة طبيعية اعتيادية وعفوية...فمن دون أن نقصد ذلك ترانا ونحنننق



بشكل عفوي...فإذا التقت فتاة بشاب واحبته وعشقته (وصار في علاقة) وبدأ روميو زمانهيعمل رجال عليها ويشعل نار الغيرة بقلبه ويبلش يسألها وين رايحة وين جايهوينق إذا لبست هيك وإذا ضحكت هيك وإذا قالت هيك ..هنا تبدا الفتاة بأداءدورها المهم في الحياة وتقوم بالنق على راسه (أنا هيك..أنت عم تشك فيني...شومافي ثقة...انت عم تحكم على علاقتنا بالنهاية إذا بضل غيور..أناعطيتك حريتك اطلق يديّ ..وين الحب وين الثقة وين الحرية يلي وعدتني تعطينيياها ..وعلى إيهي إيهي )و من كتر النق على راسه ..سيتحول الشاب المنظوم في ليلة وضحاها إلى حدا (أوبين مايد) ياي..



.وماهي إلا ايام حتى تعاود جولييت نقها (بس على نغمة تانية):



جولييت:ليش ماعم تسأل عني ..اتأخرت ليش مادقتلي تطمن علي...ماشفته كيف كان عميطلع علي شو مافيك نخوة ...أديشك مهتم اجاني ميسد كول من رقم غريبوماحاولت تعرف مين..



شو شايفتك ماعاد فرقت معك إذا لبست هالتنورة ..



قلي فهمني شوبدك !!



نقاق شرقي!!!



النق بحدذاته كفيل بالتسبب بالجلطات القلبية...والضغط النفسي الذي قد يوصل إلىمشفى المجانين !!!(عم بمزح يامجانين) فمابالك إذا كان هذا النق ضمن إطار الذكورية الشرقية



(ولي على الغلاظة ساعتها) حينها يأخذ الأمر بحد ذاته شكل الكارثة النفسية العاطفية العصبية



اي نعم..... مثلا شوفولي هالماركة.



شاب شرقينقاق: أنا بدي امرأة مثقفة ارتبط فيها تفهم علي شو بحكي وتناقشني فيه بدييكون إلها وجهة نظرها يلي تدافع عنها بدي وحدة متمردة ثائرة مابتشبه حدا.



(بعد زواجه من الإمرأة المثقفة الذي لم يستمر أكثر من 3 أشهر)



الشابالشرقي النقاق : طلعتلي روحي بضل حاطة راسها بالكتاب ..لابهمها طبخولانفخ..بعدين بضل بتناقشني وبتجادلني..راسها كبيروفلقتني بوجهة نظركووجهة نظري حتى لسختها كف طيرتلها وجهها كله..... هففف أنا بدي وحدة حنونةتسايرني تطعميني همها البيت.



(بعدزواجه من الإمرأة الحنونة االذي لم يستمر أكثر من شهرين).



الشاب الشرقي النقاق: قرفتني حياتي دائما بالمطبخ وشو ماقلتلها بتقول حاضر



كيف بدهاتربي ولادي على هالشخصية الانهزامية لا بتهش ولا بتنش حتى لماطلقتها بكيتشوي وماحكيت معي كلمة يا زلمة...لك انا بتلبقلي وحدة حلوة بيض وش فيهاادام الناس تكون ست صالون راقية بتفهم بالاتيكيت....



(وبعد زواجه من ست صالون الذي لم يستمر أكثر من شهر واحد).



الشابالشرقي النقاق: هفف يازلمة هلكتني بمصاريف اللبس والمكياج تبعها هالمفزلكةيخرب بيتها شو فاضية مابحياتها قرأت كتاب وشو مابحاكيها بتقلك مابعرف وشويعني.لك انا مابقدر عيش إلا مع . وحدة مثقفة يازلمة. ويستمر النق حتى الله ياخد أمانته(اجمل مافي الارواح أنها لاتملك لسان لتنق..أي والله).