الظلم في السرفيس

-المواقف التي ممكن تتعرض لها وانت بداخل السيرفيس

وانت طالع ممكن يخبط راسك بالباب لأنه ارتفاعه غلط

- فاذا كنتي بنت حتسمعي: الله الله خير صرلك شي ؟؟؟؟ من كل

الركاب نظرات العالم كلها شفقة و وكلهم يمكن رح يضربوا

الشوفير لانه الحق عليه مااشترى سيرفيس له اكياس هواء مشان

الصدمات

- واذا كنت شب حتسمع العالم عم تضحك وتقول العمى ضربو

مانو شايف !!!!!!! يالله بيستاهل ..مدري شو وين كان عم يبصبص

- وقت بتسكر الباب بهدوء تبعا لتعليمات الاعلان يلي موضوع

على الباب وما بيتسكر -

-اذا كنتي بنت … دخيل الله شو هالأنوثة ليك حتى عالباب مالها

نفس تخبطوه

اذا شب …. ليك التشتوش ليك مالو حيل يسكر الباب تفه على

هيك جيل

- ووقت بتسكرو بقوة

- اذا كنتي بنت … يا حرام اكيد معصبة من شي شغلة الله يعينها

- اذا شب …. هشششش فهمنا انك قبضاي خلعت الباب

- وانت قاعد ممكن يجيك اتصال

- اذا كنتي بنت ….. يااخي مأاحلى صوتها نيالو

المحظوظ .. ومعها موبايل

اريكسون يا ..........اخي مزوقة

-اذا كنت شب …. تضرب انت واللي داير عليك وطي صوتك

صرعتنا ...فهمنا انه معك موبايل

ووقت بيوقفلك الشوفير وما بيكون في معه محلات أصلاً

-اذا كنت بنت ما عليكي الا انه تنظري نظرة وحدة لأي شب من اللي

قاعدين بتلاقيه نط وقعد عالاسفنجة بعكس الشوفير

-اذا شب دبر حالك عالدولاب واذا ما عجبك روح مشي شهههه نحنا

بعمركن كنا نروح عالحسكة مشي

ووقت بيكون معك اغراض

-اذا بنت في مين يطالعلك ياهن وينزلن ويحطن بحضنه اذا بدك

والناس شو بتقول بقلبها:

يا حرام!! وين اخواتها الشباب يجيبوا الاغراض

واذا كنت انت اخوها وجبنت الاغراض شو رح يقولوا ؟؟
هوهوووووووو

تعااا حطن بحضننا !!! كله مشان ما تاخد تاكسي لعمى عالبخل

و وقت بتطلع غنية بشعة والصوت قوي

- اذا بنت لكي الحق تقولي للشوفير وطي الصوت اذا بتريد او

غيرالمحطة

والعالم رح تقول ايه ايه غيرا (اكيد في الها ذكرى حزينة

بقلبها)

اما اذا شب رح يلتفت عليك الشوفير ويقوي الصوت حبة تانية

وهو عم يقول:

ليك هالعالم ليك بدو يشترينا بالعشر ليرات تبعيتو !!!

ووقت بدك تعطي الاجار

ما بتفرق بدك تحط ال عشرة اذا بتكون جايه من جزر القمر وهي

الشغلة الوحيدة يلي ما فيها تفرقة عنصرية

ووقت بدك تنزل وتقول للشوفير على مهلك وماعم يسمع بسبب

الصوت العالي للاغاني

اذا كنت شب بيتطلع فيك يلي جنبك وبيقلك بنظرة فوقية : ما

ما سمع صوتك

وبينط التاني بعد ما بتمر جنب بيتك وانت مستغرب انو السرفيس

ما عم يفكر يوقف وبيقلك نازل ؟؟

واذا بنت ما عليكي الا انو تفكري تفكير بالنزلة او تهمسي همس

بينك وبين حالك نزلني واسمعي الشباب كلن بصوت واحد :على مهلك

على مهلك

….. نزلها …. شو مانك سامع ؟ …. عاليمين …

نزلاااااااااااااااااااااا

حلووووووووووووين يسلم هالايدين

زائر

اذا شب …. هشششش فهمنا انك قبضاي خلعت الباب
Suspect

هههههههههه
والله كلامك مظبوط مية بالمية

ميغسي ميووش عالفضيحة هههههههههههه